ნინო მიგინეიშვილის ბლოგი: „ ნორჩი მათემატიკოსები” შემაჯამებელი მეცადინეობა

სსიპ აბაშის რაიონის ტყვირის საჯარო სკოლაში 2019 წლის 17 სექტემბრიდან ფუნქციონირებდა მათემატიკის წრე 7 და8 კლასელთათვის - „ ნორჩი მათემატიკოსები”.

მათემატიკის წრის მიზანი იყო : მოსწავლეთამათემატიკაში მიღებული ცოდნის გაღრმავება - განმტკიცება, ლოგიკური აზროვნების განვითარების, შემოქმედებითი უნარების წარმოჩენა და განვითარება, მოსწავლეთა ინტერესის გაძლიერება მათემატიკისადმი.

წრე განკუთვნილი იყო ყველა დაინტერესებული 7 და 8 კლასელისათვის .

წრის ხანგრძლივობა : 2019-2020 სასწავლო წლის პირველი სემესტრი.

მათემატიკის წრის მეცადინეობები ტარდებოდა - ყოველ ოთხშაბათს ,მეშვიდე გაკვეთილზე, გრძელდებოდა - 1 საათს . მეცადინეობები ტარდებოდა ფიზიკის კაბინეტში.

ჩემს ბლოგზე nmigineishvili.blogspot.com, რომელზე წვდომაც ნებისმიერ მოსწავლეს , მშობელს და ყველა დაინტერესებულ პირს ჰქონდა. აღნიშნულ ბლოგზე სისტემატურად ქვეყნდებოდა ინფორმაცია ჩვენი წრის შესახებ.

2019 წლის 25 დეკემბერს შედგა დასკვნითი შეხვედრა - „ ვიქტორინა 2019 “. მოსწავლეები დიდი ინტერესითა და ხალისით აქტიურად ჩაერთვნენ ვიქტორინის მუშაობაში და ეს ენთუზიაზმი ბოლომდე გაჰყვათ. მათ თვალსაჩინოდ აჩვენეს მათემატიკის ცოდნის განსაკუთრებული მნიშვნელობა. ხალისიანად და საინტერესოდ წარიმართა ღონისძიება და გამოვლინდა გამარჯვებული გუნდი.

დანართი : ვიქტორინის გეგმა :

ვიქტორინის თემა	“ 7 და 8კლასში საგაკვეთილო პერიოდში მიღებული ცოდნის შეჯამება - განმტკიცება“
სწავლების საფეხური / ინტეგრირებული საგნები , მასწავლებლის სახელი და გვარი	7 და 8 კლასი მათემატიკა. ნინო მიგინეიშვილი
მოსწავლეთა პროფილი	15 მოსწავლე კლასში განსაკუთრებული მიდგომის საჭიროების მქონე მოსწავლე არ არის
ვიქტორინის მნიშვნელობა / აქტუალობა	ვიქტორინა აქტუალურია იმით , რომ იგი საგრძნობლად შუწყობს ხელს, მოსწავლეთა დაინტერესებასა და მოტივაციის გაზრდას,მომავალში, გაკვეთილზე შესასწავლი მასალის საფუძვლიან ათვისებაში, ასევე,მოსწავლეთა შემოქმედებითი უნარების გამოვლენასა და გაძლიერებას, წაახალისებს და აამაღლებს მოტივაციის დონეს იმ მოსწავლეებში, რომლებსაც მეტ-ნაკლებად აქვთ მათემატიკის ნიჭი, მაგრამ არ აქვთ საკუთარი ძალების რწმენა და არ ეძლევათ თვითგამოხატვის საშუალება. რაც უფრო ადრეულ ეტაპზე განუვითარდება მოსწავლეს მათემატიკური უნარები, მით უფრო შესაძლებელი იქნება მათი გამყარება სამომავლოდ.ამასთან,მიმაჩნია , რომ ვიქტორინა და მისი ორგანიზაცია ამაღლებს თვით მასწავლებლის პროფესიულ დონეს, სრულყოფს მის პედაგოგიურ და მეცნიერულ ხელოვნებას. ასევე , ვიქტორინა ხელს შეუწყობს საგაკვეთლო პროცესში,თუ წრეობრივი მუშაობის დროს მიღებული ცოდნის შეჯამება - განმტკიცებასა და ყოფით ცხოვრებაში გამოყენების უნარ - ჩვევებს.
ვიქტორინის სასწავლო მიზნები :	მათემატიკა : -მოსწავლეები განივითარებენ დავალების ადეკვატურად აღქმისა და შედეგების ობიექტური შეფასების უნარს - შეძლებენ: -შეძენილი ცოდნის ხარისხის შემოწმებას - ცოდნის დემონსტრირებას, ჯგუფში მუშაობის ჩვევების გამომუშავება-განმტკიცებას - არგუმენტირებული მსჯელობის დაკვირვებულობის , შემოქმედებითობის , პრაქტიკული და საკომუნიკაციო უნარების გამოყენებით კიდევ უფრო დახვეწენ მათემატიკურ ენას
ეროვნული სასწავლო გეგმით განსაზღვრული შედეგები	მათ. VII.1. მოსწავლეს შეუძლია რაციონალური რიცხვების წაკითხვა, გამოსახვა, შედარება და დალაგება პოზიციური სისტემის გამოყენებით; რიცხვების თვისებების გამოკვლევა პოზიციური სისტემის გამოყენებით მათ. VII.2. მოსწავლეს შეუძლია რაციონალურ რიცხვებზე მოქმედებების სხვადასხვა ხერხით შესრულება მათ. VII.7. მოსწავლეს შეუძლია ალგებრული გამოსახულების გამარტივება და წრფივი განტოლების ამოხსნამათ. VII.1. მოსწავლეს შეუძლია რაციონალური რიცხვების წაკითხვა, გამოსახვა, შედარება და დალაგება პოზიციური სისტემის გამოყენებით; რიცხვების თვისებების გამოკვლევა პოზიციური სისტემის გამოყენებით მათ. VII.2. მოსწავლეს შეუძლია რაციონალურ რიცხვებზე მოქმედებების სხვადასხვა ხერხით შესრულება მოსწავლეს შეუძლია ალგებრული გამოსახულების გამარტივება და წრფივი განტოლების ამოხსნა მათ. VIII.1, მათ. VIII.2, მათ. VIII.4 , მათ. VIII 5
წინასწარი ცოდნა	სასწავლო სტანდარტის მიხედვით შედგენილი 7 და8 კლასის სახელმძღვანელოს საკითხები - “მათემატიკა” – VII - VIIIკლასი. ( გურამ გოგიშვილი, თეიმურაზ ვეფხვაძე, ია მებონია, ლამარა ქურჩიშვილი).
შეფასების საგანი და პროცედურები	-დაკვირვებისა და ანალიზის ობიექტი შეფასებისას იქნება : პრეზენტაცია , მსჯელობა და სხვა . - მოსწავლეები შეფასდებიან ჯგუფურად , ინდივიდუალურად . -მოხდება თვითშეფასება .
სასწავლო მასალა და ტექნიკური რესურსები	ფორმატის ფურცლები , მარკერი , წებოვანი ფურცლები , დაფა , ცარცი, ინტერნეტი.
ვიქტორინის მსვლელობა / საკლასო მენეჯმენტი	მისალმება , ორგანიზება , მუშაობის წესების გაცნობა. ( ვიქტორინის წამყვანია მასწავლებელი,რომელიც მოსწავლეთაგან ირჩევს ორ თანაშემწეს , მოსწავლეები განაწილდებიან 2 გუნდად, წინასწარ მომზადებული ამოცანები ნაწილდება ორ ჯგუფად სირთულის მიხედვით , ყოველ სვლაზე გუნდი ირჩევს სირთულის დონეს, განსაზღვრულია დროის ლიმიტი, ყოველი პრეზენტაცია ფასდება ჟიურის მიერ ) ჯგუფური მუშაობა : აქტივობა 1 ჯგუფის წარდგენა აქტივობა 2 დავალება № 1 აქტივობა 3 დავალება № 2 აქტივობა 4 დავალება № 3 აქტივობა 5 ბლიც - კითხვები აქტივობა 6 ვიქტორინის შეჯამება