ბარომეტრი და მისი გამოყენება

1.პროექტის სახელწოდება:ბარომეტრი და მისი გამოყენება.

2.პროექტის  მთავარი იდეა :მოსწავლეებმა შეძლონ დამოუკიდებლად მოიპოვონ ინფორმაცია ატმოსფერული წნევის საზომი ხელსაწყოების შესახებ და შეძლონ დაამზადონ ბარომეტრ–ანეროიდის მოდელი.

3.პროექტის აქტუალობა:მოსწავლეები  დამოუკიდებლად შეძლებენ  გაეცნონ ატმოსფერული წნევის საზომ ხელსაწყოებს:  ვერცხლისწყლიან  ბარომეტრს, წყლის ბარომეტრს, უსითხო ბარომეტრ–ანეროიდს და მის მოქმედების პრინციპს.

4.პროექტის  მიზანია: მოსწავლეების მიერ ინფორმაციის მოძიების, აღწერის,პრეზენტაციის უნარ–ჩვევების განვითარება.

   სხვადასხვა სახის ბარომეტრების გაცნობა  და  მათი დახმარებით  ამინდის პროგნოზირება.

5.მონაწილეთა ასაკი:მერვე  კლასი.

6.ვადები,ხანგრძლივობა: ორი კვირა

7.მოსალოდნელი შედეგები:მოსწავლეებს  ეცოდინებათ ატმოსფერული წნევის საზომი ხელსაწყოები, შეძლებენ ატმოსფერული წნევის გაზომვას ,მის გამოყენებას და ბარომეტრ–ანეროიდის მოდელის დამზადებას.

8.პროექტისათვის საჭირო რესურსები:კომპიუტერი,ინტერნეტი,ფიზიკის სახელმძღვანელო,მეცნიერების ენციკლოპედია,ფუძემდებელი ექსპერიმენტები საშუალო სკოლის ფიზიკის კურსში.

  დრეკადი აფსკი,ბუშტი,წვენის ქილა,სკალა.

9პროექტის მსვლელობა:

 ძირითადი აქტივობები:

 დავყოთ მოსწავლეები სამ ჯგუფად.

I  ჯგუფი მოიძიებს ინფორმაციას ბარომეტრების შესახებ:

ა)ტორიჩელის ცდაში გამოყენებულ ვერცხლისწყლიან ბარომეტრზე.

ბ)პასკალის წყლის ბარომეტრი და მისი მოქმედების  პრინციპი.

გ)ლ. ვიდის  მიერ შექმნილ   უსითხო ბარომეტრ ანეროიდზე.

II  ჯგუფი წარმოადგენს ფოტოებს,ნახაზებს, ბარომეტრ–ანეროიდის  მოდელს.

III  ჯგუფი  არკვევს:

ა)რა მოხდება,თუ ატმოსფერული წნევა გაიზრდება?

ბ) რა მოხდება, თუ ატმოსფერული წნევა შემცირდება?

გ)რისი შედეგია ქარის წარმოქმნა?

შეეცდება დაადგინოს ბარომეტრის როლი ამინდის პროგნოზირების დროს და აკეთებს დასკვნებს:

ა)როდესაც ბარომეტრი უჩვენებს ატმოსფერული წნევის ზრდას,მეტეოროლოგები ვარაუდობენ მშრალ ამინდს.

ბ)ატმოსფერული წნევის  შემცირებისას კი ვარაუდობენ  ნალექს.

გ)ატმოსფერული წნევის ცვლილების  შედეგია ქარის წარმოქმნა.

10.ეროვნულ სასწავლო გეგმასთან კავშირი:

ბუნებისმეტყველება VII.8

მოსწავლე ახასიათებს წნევას. შედეგი თვალსაჩინოა,თუ მოსწავლე:

ა)ამზადებს მარტივ მოდელს

ბ)ატარებს ცდებს ატმოსფერული წნევის მოქმედების გამოსავლენად,შედეგებს აანალიზებს და აკეთებს დასკვნებს.

გამოთქვამს ვარაუდს  ატმოსფერული წნევის გაზრდით ან შემცირებით გამოწვეული ცვლილებების შესახებ.

11. პროექტის ხელმძღვანელი: ნ.მიგინეიშვილი.
12.ხელმძღვანელის ელ.ფოსტა: n.migineishvili9@gmail.com
13.პროექტის ვებ.გვერდი/ბლოგი nmigineisvili.blogspot.com