„წრის ნორჩი მათემატიკოსები“ რეფლექსია
2018 წლის
17 სექტემბრიდან ფუნქციონირებას შეუდგა
მათემატიკის წრე“ ნორჩი მათემატიკოსები“.
მოსწავლეთა საჭიროებების და ინტერესების
გათვალისწინებით იქნა შერჩეული განსახილველი საკითხები ეროვნული სასწავლო გეგმის შესაბამისად.წრეში
გაერთიანდნენ მეექვსე და მეშვიდე კლასის მოსწავლეები, სულ ჩატარდა 15 მეცადინეობა.
მეცადინეობაზე
განხილულ იქნა საინტერესო და სახალისო ამოცანები, ამოცანები რომელიც ლოგიკურ აზროვნებას
მოითხოვს, კენგურუს საოლიმპიადო ამოცანებიც
ამოხსნეს მოსწავლეებმა. მოიპოვეს ინფორმაცია
დიოფანტეს შესახებ, ამოხსნეს განტოლებები და ამოცანებიც განტოლების გამოყენებით.
წრის მეცადინეობებზე დიდი დრო დაეთმო გეომეტრიული ფიგურების თვისებების და მათი პრაქტიკაში გამოყენების საკითხების განხილვას.
წრის წევრებმა ახალი კედლის გაზეთი
დაამზადეს. რომელსაც დიდი მონდომებით აფორმებდნენ.
განსაკუთრებული
ინტერესი გამოიწვია შემაჯამებელმა მეცადინეობამ, რომელიც ჩატარდა 24 დეკემბერს ვიქტორინის სახით.
ვიქტორინა
ჩატარდა 2 ეტაპად: პირველ ეტაპზე ერთმანეთს
ეჯიბრებოდნენ მეექვსე და მეშვიდე კლასის მოსწავლეები კითხვებზე პასუხის გაცემით.
კითხვები ბილეთებად იყო შედგენილი და კონკურსი გრძელდებოდა მანამ, სანამ 50 კითხვის შემდეგ არ გამოვლინდა გამარჯვებული.
გაიმარჯვა მეექვსე კლასმა დიდი უპირატესობით.
შემდეგ მეორე ეტაპზე
ორივე კლასიდან შეირჩა საუკეთესო მოსწავლეები- გუნდის კაპიტნები,რომლებიც შეეჯიბრნენ
ერთმანეთს.ორივე მოსწავლემ მათე მიგინეიშვილმა და ბარბარე ჟღენტმა გამოავლინეს საგნის
საფუძვლიანი ცოდნა და მცირე უპირატესობით გაიმარჯვა მეექვსე კლასის მოსწავლემ მათე
მიგინეიშვილმა.
ვიქტორინისათვის
მზადებაში ჩაერთო წრის ყველა წევრი, კონკურენცია იყო მაღალი, რამაც გაზარდა მოსწავლეთა მოტივაცია და დადებითი გავლენა მოახდინა
მათი ცოდნის გაღრმავებასა და პრაქტიკაში გამოყენების უნარების განვითარებაზე.
წრის მუშაობის
გასაუმჯობესებლად მეორე სემესტრში ვგეგმავ
ჯგუფებისთვის დავალებების დიფერენცირების გათვალისწინებას.ვეცდები ისეთი მეთოდები და
სტრატეგიების გამოყენებას,რომელიც კიდევ უფრო სახალისოსა და საინტერესოს გახდის წრის მუშაობას.
No comments:
Post a Comment